Los nuevos números de móvil comenzaran por 7

A partir de agora, os usuarios de telefonía que decidan cambiar de número de móbil ou contratar unha nova liña sen conservar o número actual, van notar unha leve diferencia na numeración das súas liñas, xa que comezarán por sete en lugar do tradicional seis.
O Ministerio de Industria, Turismo e Comercio vén de aprobar unha resolución pola cal os novos números de teléfonía móbil que se adquiran no noso país comezarán por sete en lugar de seis, unha medida que lle afectará inicialmente a cuarenta millóns de números, os cales estarán dispoñibles nun prazo de 18 meses contados dende a data de entrada en vigor da resolución, é dicir, o pasado día 1 de abril.
Tanto os operadores fixos como os de telefonía móbil deberán informar da apertura deste novo rango en tódalas facturas emitidas aos seus clientes durante a lo menos un ano porén a medida non lle afectará aos antigos usuarios, que conservarán os números de teléfono que xa tiñan asignados.
A entidade pública, que tamén estableceu o rango 590 aos servizos de comunicacións máquina a máquina de trece dixitos, anunciou que esta medida é consecuencia da consulta pública sobre a ampliación da numeración dos servizos móbiles que levou o pasado ano para dar conta da crecente demanda da numeración de rango seis.
Da análise das respostas recibidas na consulta despréndese a necesidade de atribuir o rango sete aos servizos de comunicacións móbiles así como a conveniencia de empregar números do Plan nacional de numeración telefónica para poder satisfacer a demanda procedente das comunicacións máquina-máquina.
Para este último servizo, a entidade pública escolleu o código 590 con números de trece díxitos, que se poderán empregar para a identificación de dispositivos distintos dos teléfonos móbiles vinculados a servizos de telemando, telemedida, alarmas e outros de natureza similar, incluíndo os aparellos de telemedicina e os medidores de consumos domésticos de auga, luz ou electricidade.

gracias dipu por la info un abrazo